من نحن ؟

سؤال بيطرح نفسه (من نحن) :
احنا وببساطة شباب طور وهيطور اتغير وهيغير اتعلم وهيعلم كل هدفنا ننممى بلدنا ونطورها وعرفنا ان العلم والتكنولوجيا هما سبيل تقدم الشعوب وتطورها والطريق الامثل نحو خطى المجد والعلا احنا شباب راسخ فى عقيدته اهمية التكنولوجيا بكل انواعها واساليبها وطرقها وادواتها عشان كدا قررنا نمحى الامية التكنولوجيا ونعلم كل الناس كل حاجة عن الكمبيوتر والتكنولوجيا بوجه عام

سؤال وجيه (انتوا بتاخدوا فلوس):
والاجابة لا طبعا احنا الدورات بتاعتنا كلها مجانية وعمر ما كان هدفنا ربح مادى او مالى كل هدفنا نعلم الناس ونساعدهم ديما كنا ولازلنا وسنظل دائما ندعو الله ان ينفع بنا الامة ايوة هو دا كل هدفنا ربنا يجعلنا سبب نساعد الناس ونخلى دماغهم تكبر ونطور اساليب تفكيرهم

السؤال المهم بقى (ايه موقفكوا قانونا):
اكيد موقفنا القانونى سليم ملياار فى المية اولا الشغل دا مجاانى مش بنتقاضى اى مبالغ من اى حد واللى يتاخد منه اى مبلغ من حقه يتخذ كافة الاجراءات ضد العضو اللى عمل كدا والفريق بيعلن تخليه عن هذا العضو وانه لا يمس لاخلاقيات واهداف الفريق بأى صلة
احنا موقنا القانونى سليم لاننا مجرد اصحاب بنعلم بعض وبنتعلم من بعض بنفيد وبنستفيد

اخر سؤال (ايه اهدافكوا المرحلة اللى جاية):
اهدافنا وببساطة شديدة جدا ان الدولة تقف جنبنا وتدعمنا حتى لو الدعم دا معنوى عشان نقدر نكمل مشوار بدأناه هدفنا اننا الفترة اللى جاية حتى لو محدش قرر يدعمنا ويساعدنا بلاش يقف ضدنا ويعطلنا هدفنا ان كل انسان شريف و انسانة شريفة يقفوا جنبنا ويساعدونا ولو بكلمة بس ترفع معنوياتنا وهمتنا ....


Moustafa Hussain Team